如果只係計歐洲既飲食,係我暫時去過既歐洲國家裡面,法國既野食真係最好食,不過同時間你要有心理準備要付出相對既金錢同時間
一餐二星米其林一個人都要接近300歐既價錢,三星更加貴.
另外,法國人既做事速度都係講求慢!安排就坐慢,等menu送黎慢,等叫菜慢,上菜慢,連最後叫佢賣單,同等張單都係慢~
除非係食fastfood.一般無論高級與低級既餐廳都好,都係用一餐三個鐘以上既時間去食~
仲有就係係法國既餐廳,舉手叫侍應係不禮貌行為,所以所有野都係要用眼神,等侍應發現你有需求,如果你同侍應們唔過電,可能會令你食飯時間加倍了!
每年既米芝蓮餐廳都會update.
米芝蓮既創辦國家係法國,去法國當然要感受一下星級餐廳既利害,特別係法國菜既米其林餐廳
米芝蓮餐廳全部都唔憂做,所有訂枱要直接contact餐廳,有部份係屬酒店內既餐廳可能會有得上網卜
但大多數都要用email甚至打個長途電話去卜(法國人既英文都不太好聽),有時個mail可能會一段時間先會覆你
而卜米芝蓮餐廳,最好預一個月以上,因為真係好full,三星既最好再早幾個月,
仲有注意餐廳休息時間,一個星期總有一日至二日休息,多數星期六,星期日,而八月好多星級餐廳甚至放一個月假,遇放假時間餐廳係唔會覆到email的.
最後好彩成功訂到餐廳,要記得係預約時間前四十八小時,打多次電話confirm,有d餐廳如果你無再confirm,佢有權取消你既booking.
雖然事前既功夫好似講到呢d米芝蓮餐廳好臭串,但當你真正去用餐時,佢地會用番雙倍既service比番你.
每間法國菜都會有佢既出色招牌菜,有出名食扒,食魚,食鵝肝,甚至食菜都有.呢個blog好詳細講埋每間三星餐廳既招牌菜同營業時間
---------------------------------------------------------------------------------------
原本想訂其他餐廳,因朋友係食肉獸,一開始無諗住揀呢間食素為主既餐廳~L'Arpège,但其他唔係放假就係full booking或無回應,最後選擇左呢間食素為主既三星餐廳.有人會覺得囉咁大舊錢去食一大堆有機蔬菜好唔值,但我覺得囉一大舊錢去食一個點解可以剩係煮蔬菜都可以煮到米芝蓮三星咁多年同咁受歡迎,都係值得的~最後事實証明我無白去啊!
入到去,就會安排就座,呢間餐廳唔算好elegant,所以我見好多人都唔會著得太華麗,當然tshirt牛仔褲,短褲人字拖呢類太casual既衣著都不適宜,即使佢無規定衣著,但係咁著其實好唔尊重餐廳,我好尊重咁著左條裙去,但實在太輕視十幾度既巴黎,無著襪褲,真係凍到呢......
呢度既餐廳有set同散叫,set亦有完全素食同非素食(非素食雖然有肉,但大多以蔬果為主),非素食會比素食個set貴少少
我同朋友點左一個素一個非素,其實有好多都會係相同既菜.呢間餐廳既主廚,Alain Passard,前身都係星級餐廳既廚師,有一日佢覺得肉食既menu已失去靈感,覺得素食先可以觸發佢既創作靈感,於是佢就發起左素食既米其林餐單,而蔬果仲係自己種植添.
食完神級大廚既作品,我忠心推介呢間餐廳用作旅程結束,已經厭倦每餐都係肉同肉既生活既時候去食,黎清一清腸胃同感受一下個份清新舒服既飽~
佢地既菜全部係好鮮甜,即使無咩調味,都可以感受到蔬菜好好味,特別係d蕃茄,我未食過咁鮮甜,好似真係食車厘子咁.如果鐘意食蕃茄既人仕,會好開心,因為佔左大部份都有蕃茄既加入.
而個個好似蛋既料理,上網睇過叫冷熱蛋,固名思義,就係有冷同熱既口感,好難形容,總之勁好食
雖然個set好多菜,但到後面都好飽了,加上溫暖同柔和燈光,同上菜緩慢速度,maybe加少少時差 去到芝士部份,真係訓著了
直到拿破倫既出現,我先醒,甜品亦令人興奮,個個大大既拿破侖蛋糕,係我人生裡面食過最好食.而一向討厭食macaron既我,第一次被佢地既macarone感動了,原來made in french既macaron係咁好味(.一向食開個d係假的嗎?!)
餐廳最特別之處,係大廚會經常現身,走黎同你吹水,當然見到亞洲面孔,唔會詳吹,只會問下你taste ok?everything ok?之類,但見到佢同當地人,係咁吹,有時甚至坐埋一齊飲下酒.好多人甚至會搵佢合照一張,可惜我怕羞
L'Arpège
訂位方法: L'Arprge 網上填資料(之前只有Email訂枱,現在有網上訂枱真好,不過只有法文版)
留言列表